Había un llugar del qu’un vieyu faló enllenu de viesques, de verde pación.

D’altes montañes que críen la flor, d’un pueblu que-y reza a a la lluna y no al sol.

¿Ónde tas, tierra? ¿Ónde tas, flor? ¿Ónde ta’l gritu que me despertó? Que despierte la xente y devuelvan so voz. Y devuelvan so voz.

Munchu camín tuvo que recorrer buscando aquel sitiu que siempre suañó. Buscando la xana qu’un día besó. Embaxo d’un texu la besó.

¿Ónde tas, madre? Acuéyeme vós. ¿Ónde tas, casta del mio corazón? Que despierte la xente y garremos la flor. Y garremos la flor.

Que retorne l’orbayu esi que mos moyó. Que retorne aquel llantu en qu’un pueblu ñació. Que güeyemos al cielu y garremos la flor. Y garremos la flor.

«Anque teas lloñe, escúchote. Sé que tas ehí, onde siempre tuvisti. Esperándome. Onde siempre tuvisti. Llorándome. Para ver cómo yera enantes, para ver otra vez.»

Cuando por ti venga la muerte vendrá de la to mano, ciega, guiándo-y los pasos un feble dolor.

Será como vistir de fiesta, paxellu nuevu de domingu que nun serás a quitar yá. Verás un rostru nel espeyu, solombra escuro de la muerte, y tu nun vas saber quién ye.

Nada habrá ente la nada y tu. Anuncia un tiempu de derrota. Pa qué preguntes, nun apielles que naide habrá que te respuenda.

Mañana vas salir tan ceo que nun oirás la voz del alba que grita, llama y te xuxuria.

Mañana vas salir tan ceo que nun oirás la voz del alba que llora por ti y t’apodera. Nada habrá ente la nada y tu.

Úa noite chorando, úa noite mui fría, muitas noites chorando por a túa despedida.

Coyícheme das maos xurando que volvías. Dixícheme, mía alma, nunca m’esqueicerías.

Inda tou esperando ouguir tous pasos chegar, ver tous oyos amando, os tous llabios chuchar.

El tempo xa pasóu, sei que nun vas volver, pero nun teño a forza pra deixar de querer. Úa noite chorando, Úa noite mui fría, muitas noites chorando por a túa despedida.

Esta ye l’habitación Pantalla de los mios suaños. Cambiante y enigmática Azul y gris

Dacuando Hacia la oriella Rellumos de blancor Fuxen les fueyes D’esti iviernu Azul y gris

Esbariadiza y turbia Clavada al abismu Como un puñal d’angustia Como un puñal. Y mui lloñe Na llende del cielu cola mar El temblor d’unes ñubes Y una fuga de páxaros.