Información de la convocatoria 2017

El vienres 30 de xunu publicóse nel Boletín Oficial del Principáu d’Asturies la convocatoria del “Premiu al Meyor Cantar” en llingua asturiana o gallego-asturianu, un gallardón qu’algama nel presente añu 2017 la so décima edición.

El Gobiernu del Principáu d’Asturies instituyó esti Premiu nel añu 2007 col oxetivu de consolidar, arriquecer y prestixar la creación musical asturiana. A esta convocatoria pueden presentase los músicos, a títulu individual o dientro de grupos, que comercializaran dalguna canción orixinal de cualesquier xéneru nel añu 2016, quedando escluyíes les pieces tradicionales yá esistentes, les versiones o adaptaciones d’obres de creación publicaes orixinalmente n’otra llingua, y les canciones que nun fueran editaes y grabaes la primer vez nel periodu referíu.

Hasta’l día 30 de xunetu tuvo abiertu’l plazu pa que los interpretes o grupos interesaos soliciten la so participación, indicando’l cantar escoyíu pa concurrir al premiu. Un xuráu formáu por espertos en música y llingua asturiana escoyó d’ente los cantares presentaos a los 4 finalistes, que van actuar en directo na Gala d’Entrega del Premiu, el día 29 de setiembre, a les 20 hores nel Teatru Palacio Valdés d’Avilés.