Chueve, chueve ya que’l demoniu me l.leve nada me pudrá muchar.

Pobre de mi qu’esquizéi’l miou nome naide me pudrá chamar.

Sacabeiras de súquiri, saltasucos de l.limón na cai hai gayola, bandeiras cun galdíu son, sicasí las riesas nun garran nu miou viechu curazón.

Xente que pasa qu’aguanta afuxir encuchíos pola vida.

Pobre de mi soi una mucher piquena ya güérfana de gloria.

Remulinos de plata, malvises de miel nun veréi lu aprendíu nus l.libros nin Santuciomu enxamás seréi, sicasí la l.luz d’outru día me cunvida a siguir.

Güei tien gana discutir el caberu milicianu. Dende la trinchera prepara la munición.

Dispara a quien lu escuche detrás d’un vasu vinu coses que pasaron y tamién dalgún sermón.

La mesma hestoria una y otra vez, hestories de cielos tomaos al asaltu.

Y esa furia qu’inda lleva con él y yá son casi cien vueltes al sol.

Güei tien gana discutir el dinamiteru. Mira pa la barra, apunta y dispara.

Empieza la batalla, priende un cartuchu. Daquién aprovecha, tuerce la mirada.

Él sigue a lo suyo. Sigue a lo suyo y yá son casi cien vueltes al sol.

Suenen tiros, otru vasu, caen bombes, otru tragu, peguen fuerte. ¡Retirada! ¡Retirada!

¡Pero trabayamos la utopía!

Nun conozo tantu mundu como pa saber dicivos que virtudes rares tien esti país. Pero, si vos soi sincera, nun sé si sabría vivir n’otru sitiu que nun fora equí.

Montañes hailes más altes, vaques hai que dan más llechi, praos más verdes a les veres del camín. Pero, si vos soi sincera, nun sé si sabría vivir n’otru sitiu que nun fora equí.

Son xeitos y son traces tiernes, xabaces, fuerte y seliquín. La golor y el paisaxe, el vientu, l’agua, flor y raíz.

Si vos falo de banderes, podéis dame un puñetazu. Y si vos falo de races, daime mil. A la virxe de la cueva nun-y canto nin de broma. Nun hai pueblu sin una guerra civil. Pero, si vos soi sincera, nun sé si sabría vivir n’otru sitiu que nun fora equí. La verdá ye que vos quiero y, anque nun m’alcuerde a veces, la mio vida solo tien sentíu equí.

Son xeitos y son traces tiernes, xabaces, fuerte y seliquín. La golor y el paisaxe, el vientu, l’agua, flor y raíz.

Xusticia y dignidá, dos suaños lloñe d’una tierra que sufre. La última oportunidá namái se dexa ver al otru llau de la mar de suaños. Renacer nun mundu meyor.

Bienllegaos a un llugar que piensa que sois solo un problema. Bienllegaos a la casa del mieu. Mieu a devolvevos la vuesa dignidá.

El suañu terminó. El paraísu nun s’alcuentra a esti llau. Una frontera, un papel, ye tolo que sois a esti llau de la mar de suaños. Renacer nun mundu meyor.

Bienllegaos a un llugar que piensa que sois solo un problema. Bienllegaos a la casa del mieu. Mieu a devolvevos la vuesa dignidá.

Ún, dos, tres... ¡Yá! Dalgo hai que cambiar. ¿Cuánta xente podíamos salvar? So agonía, to pasividá. Y ye’l momentu de reconocer que tenemos deldes que pagar.

Había un llugar del qu’un vieyu faló enllenu de viesques, de verde pación.

D’altes montañes que críen la flor, d’un pueblu que-y reza a a la lluna y no al sol.

¿Ónde tas, tierra? ¿Ónde tas, flor? ¿Ónde ta’l gritu que me despertó? Que despierte la xente y devuelvan so voz. Y devuelvan so voz.

Munchu camín tuvo que recorrer buscando aquel sitiu que siempre suañó. Buscando la xana qu’un día besó. Embaxo d’un texu la besó.

¿Ónde tas, madre? Acuéyeme vós. ¿Ónde tas, casta del mio corazón? Que despierte la xente y garremos la flor. Y garremos la flor.

Que retorne l’orbayu esi que mos moyó. Que retorne aquel llantu en qu’un pueblu ñació. Que güeyemos al cielu y garremos la flor. Y garremos la flor.

«Anque teas lloñe, escúchote. Sé que tas ehí, onde siempre tuvisti. Esperándome. Onde siempre tuvisti. Llorándome. Para ver cómo yera enantes, para ver otra vez.»